Posibleng bagong uri ng pinakamaliit na suso sa mundo, natuklasan sa Cebu

Ang posibleng pinakamaliit na uri ng suso sa mundo ay matatagpuan sa mga bundok ng Argao, Cebu.

Ang pagkakatuklas ay bunga ng isang proyektong pinondohan ng Department of Science and Technology (DOST) na may titulong "Flora and Fauna Assessment Using Permanent Biodiversity Monitoring System in Cebu Island Key Biodiversity Areas (KBAs)." 

Ang proyekto ay nasa ilalim ng programang Niche Centers in the Regions for R&D (NICER).

Ito ay isinasakatuparan ng Cebu Technological University-Argao, at sinusubaybayan ng Philippine Council for Agriculture, Aquatic and Natural Resources (PCAARRD). 

Ang project team ay nagsagawa ng pag-aaral sa mga biodiversity ng halaman, hayop, at mga ‘mollusk' sa apat na mahahalagang ‘biodiversity areas' sa tatlong bundok ng Cebu, ang Mt. Lantoy sa Argao; Mt. Lanaya sa Malabuyoc; at Mt. Kapayas sa Catmon. 

Kinilala ng project team ang mahigit sa 23 uri ng ‘land snails.' Nakakalap din sila ng ng 8 di kilalang ‘specimen' ng land snails at 17 di kilalang uri ng ‘micro mollusks.' 

Ang micro mollusk ay isang napakaliit na uri ng ‘invertebrate' o hayop na walang galugod. Ito ay may malambot na katawan na walang putol o ‘segment' at may matigas na balat o ‘shell.'

Ayon kay Dr. Raamah C. Rosales, project staff, posibleng natuklasan ng pangkat ang pinakamaliit na suso sa mundo. Ito ay kabilang sa mga di kilalang uri ng micro mollusks na kanilang nakita sa pag-aaral.  

Bukod sa mga posibleng bagong uri ng land snails at micro mollusks, natuklasan din ng pangkat, sa unang pagkakataon, ang Northern Temple Pit Viper (Tropidolaemus subannulatus) at Itom-itom (Diospyros longiciliata Merr). Ang Northern Temple Pit Viper, na tinatawag din na ‘Bornean keeled green pit viper,' ay isang makamandag na uri ng ahas na matatagpuan sa Brunei, Indonesia, Malaysia, at Pilipinas. Samantala, ang Itom-itom ay kabilang sa mga halaman na nabubuhay sa lugar na may mainit na klima. Kilala ang prutas ng halamang ito at tinatawag din na ‘persimmon.' 

Natuklasan din ng team ang bagong ‘foraging adaptation' ng ‘tube-nosed fruit bat.' Bukod sa pagkain ng prutas, ang nasabing uri ng paniki ay kumakain din ng dahon.

Inaasahang matatapos ang proyekto sa December 2020. Kabilang sa mga output ng proyekto ay ang apat na ‘faunal guidebooks' at apat na ‘floral guidebooks,' database ng mga halaman at hayop sa mga piling ‘study sites,' ‘forest land use plan,' mga pagsasanay sa ‘biodiversity/mapping/assessment,' at ‘policy reports' para sa mga lokal na pamahalaan.

 

 

Source: http://www.pcaarrd.dost.gov.ph/home/portal/index.php/quick-information-dispatch/3322-posibleng-bagong-uri-ng-pinakamaliit-na-suso-sa-mundo-natuklasan-sa-cebu

Other News from Region 7

DOST deploys STARBOOKS in Valencia
Posted: Wednesday, March 11, 2020
DOST Provincial Director Atty. Gilbert Arbon (center, in blue shirt) with teachers of the nine beneficiary schools in Valencia, Negros Oriental during the turnover ceremony. (SG/PIA Negros Oriental)...   read full story

Hazard Analysis and Critical Control Point (HACCP) for Food Manufacturing
Posted: Wednesday, March 11, 2020
This course is intended to provide businesses in the food industry sector the necessary knowledge and skills on the fundamentals of Hazard Analysis and Critical Control Point (HACCP). HACCP is a sy...   read full story

NegOr entreps pitch P2M to DOST for tech upgrading
Posted: Wednesday, March 11, 2020
Ms. Pepino (in white and floral shirt) defends her project proposal before the RTEC members. Mr. Duhaylungsod of NARFACO (in gray shirt) pitch the firm’s project proposal for funding before t...   read full story

FIRECHECK TURNS OVER FIRE HAZARD, RISK MAPS TO LAPU-LAPU LGU
Posted: Friday, February 28, 2020
FireCheck token: Lapu-Lapu City Map After about two years of intensive research, FireCheck, a Fire Hazard Mapping and Fire Spread Simulation project funded by the Department of Science and Techno...   read full story