MIMAROPA

alt

Hinihikayat ng Department of Science and Technology-MIMAROPA (DOST-MIMAROPA) ang mga mag-aaral na kasalukuyang nasa ikalawang taon sa kolehiyo na mag-apply sa Junior Level Science Scholarship o JLSS Program ng ahensya hanggang Abril 26.

Ayon sa DOST-MIMAROPA, maaaring maging iskolar ang mga natural-born Filipino citizen at kasalukuyang nag-aaral sa alinmang kursong kinikilala ng ahensya na may kinalaman sa siyensya at teknolohiya.

Kailangan umanong tiyakin na hindi bababa ng 83 percent ang general weighted average o GWA, walang bagsak na grado sa mga nagdaang semestre at, higit sa lahat, maipasa ang JLSS examination.

Taunang makatatanggap ang isang JLSS scholar ng Php 40,000 para sa matrikula at iba pang bayarin sa paaralan. Bukod pa dito, makatatangap din ang iskolar ng book allowance, premium insurance, buwanang allowance at post-graduation clothing allowance.

Magkakaloob din ng transportation allowance ang ahensya para sa mga mag-aaral sa labas ng kanilang lalawigan at summer allowance naman kung nakasaad sa curriculum.

Para sa mga interesado, isumite ang mga kinakailangang dokumento sa mga pinakamalapit na DOST-Provincial Science and Technology Center simula 8:00 a.m. hanggang 5:00 p.m. tuwing araw ng Lunes hanggang Biyernes maliban sa mga idineklarang holiday.

Kabilang sa hinihinging dokumento ang sumusunod: application form na maaaring idownload sa website ng DOST-Science Education Institute (DOST-SEI), www.sei.dost.gov.ph; certificate of good moral character; certificate of good health; certificate of program of study and year level; official transcript of records (TOR) o true copy of grades; dalawang 1”x1” pictures; photocopy ng birth certificate; at photocopy ng anumang dokumento na naglalaman ng DepEd Learner Reference number.

Samantala, kailangan ding dalhin ng mga aplikante sa RA 7687 o kabilang sa pamilyang may gross income na mas mababa sa Php 301,000 ang patunay na residente siya sa kinatitirhang munisipyo sa loob ng nakaraang apat na taon, household information questionnaire, Income Tax Return ng mga mga magulang at employment contract kung ang magulang ay OFW, BIR certificate of tax exemption, at mga electric bill sa nagdaang tatlong buwan.

Nakatakda namang isagawa ang JLSS Scholarship Examination sa darating na Hunyo 2. Sa karagdagang impormasyon, makipag-ugnayan sa tanggapan ng ahensya sa rehiyon sa numerong (02) 837-3755 o sa Facebook page https://www.facebook.com/DOSTMIMAROPA.

Source: https://www.romblonnews.net/index.php/regional/4444-dost-tatanggap-ng-scholarship-application-hanggang-april-26

Other News from Region 4b

Tagalog News: 16 DOST-SEI scholars, sumailalim sa oryentasyon, lumagda sa kontrata
Posted: Tuesday, May 28, 2019
Ang 16 bagong iskolar ng DOST-SEI na nanumpa at pumirma sa kontrata bilang katibayan ng pagiging benepisyaryo ng programa.  (Larawan ni Lyn Famisaran/DOST-Romblon) ODIONGAN, Romblon, Ma...   read full story

Artificial reefs provide marine sanctuary off Tablas
Posted: Friday, May 17, 2019
MANILA, Philippines — A Buenavista, Marinduque steel fabricator has successfully built cube-shaped artificial reefs designed by the Department of Science and Technology (DOST), which have provided san...   read full story

LOCAL: 18 mag-aaral na taga-Romblon, pumasa bilang mga DOST Scholars
Posted: Wednesday, April 24, 2019
Labing-walong Grade 12 students mula sa iba’t-ibang paaralang pang-sekondarya sa Romblon ang pumasa sa qualifying exam ng DOST-Science Education Institute Undergraduate Scholarship. Ito ay bumubuo ...   read full story

Tagalog News: DOST, patuloy na tumatanggap ng aplikante para sa JLSS Program
Posted: Wednesday, April 24, 2019
Hinihikayat ni Christine F. Diwata, Science Research Specialist I, ng DOST Romblon ang mga mag-aaral na kasalukuyang nasa ikalawang taon sa kolehiyo na mag-aplay sa naturang Scholarship Program upan...   read full story